ഏതു പുല്ലിനും
ആകാശത്തേക്ക്
വളരണമെന്നു തന്നെയാണ്
ആഗ്രഹം .
അഹങ്കാരികളുടെ
കാല്ച്ചുവട്ടില് നിന്ന്
സൂത്രത്തില് കുതറി മാറുമ്പോള്
എല്ലാ പുല്ലുകളേയും
വടമരങ്ങള് പുഛിക്കാറുണ്ട് .
ജനനം കൊണ്ടുമാത്രം
തലയെടുപ്പുള്ളവര്.
എന്റെ കണ്ണില്
ഉന്മത്തരായ
ഒരു പുല്ക്കൂട്ടം
തങ്ങളെത്തന്നെ
കണ്ടെത്തുന്ന
ചിത്രമുണ്ട്.
കൊടിയും പ്രതീകവുമില്ലാതെ
ഒരു കന്നിനും തീറ്റയാകാതെ
ആകാശം സ്വപ്നം കാണുന്ന
ഒരു കൂട്ടം പുല്ലുകള്.
ജീവിതം കൊണ്ടുമാത്രം
തലയെടുപ്പ് നേടുമെന്ന് വാശിയുള്ളവര്
ആകാശത്തേക്ക് വളരുന്ന പുല്ലുകളെ
ആരും പരിഹസിക്കേണ്ട.
ഭൂമിയില് വേരുറച്ച പുല്ലുകള്ക്ക്
ആകാശം അകലെയൊന്നുമല്ല.
ഒരു കന്നിനും തീറ്റയാകാതെ
ReplyDeleteആകാശം സ്വപ്നം കാണുന്ന
ഒരു കൂട്ടം പുല്ലുകള്.
നല്ല വരികള്.
പബ്ലിഷ് ചെയ്ത കവിതകള് കൂടി ബ്ലോഗില് ഉള്പ്പെടുത്തൂ.