ചിത്രപ്പണികളുള്ള പൂമുഖ വാതിലില്ല
വാതില്‍ കടന്നകം ചെന്നാല്‍ പൂര്‍ണചന്ദ്രന്‍ രമിക്കുന്ന
പുഞ്ചിരിക്കും മുഖമുള്ള പുഷ്പങ്ങളില്ല.
വാടിയ പൂക്കളെ പോലെ ഭൂമി ചേര്‍ന്ന് കിടക്കുന്ന
പൂമരങ്ങള്‍ ഇവരിനി പൂക്കുകയില്ല...
കാട്ടിലേതോ വസന്തത്തിന്‍ കോകിലരാഗം
വഹിച്ചു പാഞ്ഞുവന്ന കാറ്റിനുള്ളില്‍
തീ പടര്‍ന്നേരി.
ഇന്നലെ പൂമരങ്ങളില്‍ പുഞ്ചിരിയായി വിടര്‍ന്നവര്‍
ഇന്നുറവ വറ്റി മാഞ്ഞ കാട്ടരുവിയോ..
ചുറ്റുമുണ്ട് കിടക്കുന്നു വരണ്ട തേന്‍ കുടുക്കകള്‍,
കെട്ടുപോയോരടുപ്പുകള്‍ ,അന്പിലേക്ക് ചാഞ്ഞു ചെല്ലും
തളര്‍ന്ന കൈകള്‍ ..........
കാട്ടിലേതോ വസന്തത്തിന്‍
കോകിലരാഗം വഹിച്ചു പാഞ്ഞുവന്ന
കാറ്റിനുള്ളില്‍ തീ പടര്‍ന്നേരി.
ഇന്ന് കാട്ടില്‍ ഇലയൊന്നും
അനങ്ങുകില്ല,
പൂക്കളൊന്നും മിഴി നീട്ടി
പുഞ്ചിരിക്കില്ല
കാട്ടിലാകെ വിലാപത്തിന്‍
മാറ്റൊലിയായി മുഴങ്ങുമീ
ഘോര മൌനം മഴയായി പൊഴിഞ്ഞുവെങ്കില്‍.......
കാറ്റ് മൂന്ന് വലം വച്ച് പിന്നെയും തിരിച്ചുവന്നു
പൂവിരിയും നേരമാവാന്‍ കാത്തു നില്‍ക്കുന്നു....
-
പൂക്കളുടെ ചുണ്ടില് വിരിയുന്നതൊക്കെയും പുഞ്ചിരികലാനെന്നു നാം വിചാരിക്കുന്നു. ഏതു വര്ണത്തില് പിരന്നാലുമെന്തു പൂവോക്കെയും ഉള്ളു തുറക്കാത്ത ...
-
താണ് താണ് തണുപ്പ് ആയവള് എന്റെ ദാഹം അറിഞ്ഞവള് വറ്റി വറ്റി വരണ്ടപ്പോഴും എനിക്കായി കരഞ്ഞവള്
-
ഏതു പുല്ലിനും ആകാശത്തേക്ക് വളരണമെന്നു തന്നെയാണ് ആഗ്രഹം . അഹങ്കാരികളുടെ കാല്ച്ചുവട്ടില് നിന്ന് സൂത്രത്തില് കുതറി മാറുമ്പോള് എല്ലാ പുല്ലുക...
-
ചിത്രപ്പണികളുള്ള പൂമുഖ വാതിലില്ല വാതില്‍ കടന്നകം ചെന്നാല്‍ പൂര്‍ണചന്ദ്രന്‍ രമിക്കുന്ന പുഞ്ചിരിക്കും മുഖമുള്ള പുഷ്പങ്ങളില്ല. വാടിയ പൂക്കളെ പോ...
-
ധനലക്ഷ്മീ, നീയും പെണ് കുലത്തിന്റെ വിത്തോ..? ആരാണ് നിന്നെ നഗ്നയാക്കി നടത്തിയത്? നിന്റെ കരിന്തോലിയില് തീക്കൊള്ളി കുത്തിയത്? കണ്നീര്ക്കവിളി...
-
അധികം കുരക്കേണ്ട അല്സേഷ്യന് ആണെന്നോര്ത്ത് ആളാവാന് ശ്രമിക്കേണ്ട . കൂട്ടിലാണ് നീ , നേരം തെറ്റാത്ത മൃഷ്ടാന്നത്തിന് കൂട്ടിലാണ് നീ, നിഴല് ക...
%2Bcopy.jpg)
0 comments:
Post a Comment