അയ്യയ്യേ....
നിക്കറു കീറിയ ചെക്കാ...
മൂക്കട്ടച്ചാംബി ചെക്കാ..
കരുമ്പാ എലുംപാ...
കളിക്കാന്കൂട്ടൂല്ലാ....
അന്നേ ഒറ്റക്കായി.
അവന്റെ കണ്ണിലേക്കു
കല്ലെറിഞ്ഞിട്ടു
എവിടെയോ പോയൊളിച്ചു.
പാതിരയായിട്ടും
പള്ളിക്കൂടം വിട്ടു വന്നില്ലല്ലോ
പുന്നാരമകനെന്നു
പഠിക്കാത്ത അക്ഷരത്തില്
അച്ഛന്റെ നെലോളി .
അതുകേട്ടു
വലിയവായില് കരഞ്ഞ്
കശുമാവിന്റെ തുഞ്ചത്തൂന്നു
ചാടി അവനെ കല്ലെറിഞ്ഞ കാര്യം
അച്ഛനോട് കരഞ്ഞു.
അടുത്ത് കിടന്ന
കാട്ട് റബറിന്റെ കമ്പ്
ഒടിയും വരെ തല്ലി.
അമ്മേടെ മോനെ ...
ഇനി നീ ആരുടേം
മെക്കിട്ടു കേരരുതെന്നു
പറഞ്ഞൊരു തള്ളും.
അതില്പിന്നെ
ആരുടെ തെറിയും
നിന്ന് കേള്ക്കും.
നിയന്ത്രണം പോയാല്
ഓടി പോകും.
പിറ്റേന്ന് സ്കൂളില് ചെന്നപ്പോള്
കല്ല് കൊണ്ട് കണ്ണ് പോയവനറെ തന്ത
നാക്ക് കടിച്ചു കാട്ടി.
അപ്പോള് കണക്കു മാഷ്
കണ്ണിറുക്കി കാട്ടി.
കണക്കുബുക്കില് മാത്രം
എനിക്ക് നൂറു മാര്ക്ക്.
0 comments:
Post a Comment